Депутат: "Кара-Балтада каргалар "Жундадан" чыккан сасык заттардан өлүп жатканы айтылууда"

"Кара-Балтада каргалар "Жундадан" чыккан сасык заттардан өлүп жатканы айтылууда" деп бүгүн, 7-декабрда парламент жыйынында "Бир Бол" фракциясынан депутат Бакирдин Субанбеков билдирди.

"Кара-Балта шаарында массалык түрдө каргалар өлүп жатканы маалымат каражаттарына тынбай чыгып жатат. Бир топ жарандар мага тынчсыздануу менен чалып жатышат. Мамлекеттик экологиялык жана техникалык коопсуздук инспекциясынын Кара-Балта шаардык башкармалыгынын башчысы Манас Карабаев, Жайыл районунун ветеринардык жана фитосанитардык башкармалыгынын жетекчиси Насыпбек Мураталиев каргалар сууктан же ачкалыктан өлүп жатканын айтышууда. Ал эми Улуттук илимдер академиясынын кызматкери каргалар сууктан, ачкалыктан өлүшү мүмкүн эместигин билдирген. Тийиштүү түзүмдөр каргалардын өлүмү боюнча так аныктамасын элге жарыялашы керек", - деди депутат.