Ош шаарын Жаңы жылга карата кооздоо үчүн 1 миллион сом керектелет

Ош шаарынын борбордук аянтын Жаңы жыл майрамына карата жасалгалоо үчүн 1 миллион сом керектелет. Бул тууралуу бүгүн, 8-декабрда SUPER.KG порталына Ош шаардык мэриясынын маалымат кызматы билдирди.

Маалыматка ылайык, борбордук аянтка бийиктиги 25 метрге жеткен балаты орнотулат.

"Жылдагыдан өзгөчөлөнүп заманбап, 3D форматтагы кооздуктар илинет. Шаарды майрамга карата кооздоо үчүн тендер жарыяланып, андан уткан жеке компанияга бир миллион сом акча которулган. Алар балатынын жана жаңы жылдык композициялардын эскизин түзүп келишкен. Жакынкы аралыкта жасалгалоо иштери башталат", - дейт мэриянын маалымат катчысы.

Эске салсак, өткөн жылы Ош шаарынын борбордук аянтына 30 метрлик балаты орнотулуп, кыргызча орнаменттер менен жасалгаланган. Мындан тышкары бир катар композициялар орнотулган.