Супер-Инфо
super.kg видео
Ош менен Тажикстандын Хорог аймагын байланыштырган унаа жолу эң кооз жолдордун тизмесин толуктады
Ош менен Тажикстандын Хорог аймагын байланыштырган унаа жолу эң кооз жолдордун тизмесин толуктады. Бул тууралуу чет элдик маалымат каражаттары жазып чыгышты.
Маалыматта жазылгандай, британиялык The Calvert Journal басылмасы бул жолду мурунку Советтер союзунун аймагында эң кооз жолдордун катарына кошкон.
Тизмеде эң биринчи орунда Румынияда Валахия жана Трансильванияны байланыштырган Трансфэгэраштык шоссе турат. Экинчи орунда Далмациянын жээгин бойлой өткөн Хорватия менен Черногорияны байланыштырган унаа жолу. Тбилиси жана Владикавказды байланыштырып турган жол үчүнчү орунга татыса, төртүнчү орунду Новосибирск облусунан Монголиянын чек ара аймагына чейин жаткан жол ээлеген.
Ал эми Ош, Хорог жана Дүйшөмбүнү байланыштырып турган жол бул бешилтикти жыйынтыктаган. Бул унаа жолдун узундугу 700 чакырымды түзөт.
Эскерте кетсек, Ош менен Тажикстандын Хорог аймагын байланыштырган унаа жолу "National Geographic" боюнча эң кооз жолдордун тизмесинде 2-орунга ээ болгон. Бул тууралуу аталган журнал 28-февралда жазып чыккан.
4
1 |