Кубанычбек Кулматов кайра Бажы кызматын башкарат

Кубанычбек Кулматов Мамлекеттик бажы кызматынын башчысы болду. Бул тууралуу журналисттерге премьер-министр Сапар Исаков билдирди.

Маалым болгондой, Бажы кызматынын башчысы Азамат Сулайманов кызматтан бошотулду.

Эске сала кетсек, кесиби боюнча тарыхчы Кубанычбек Кулматов буга чейин төмөнкү кызматтарда иштеген.

2004-жылы Бажы кызматынын департаменти, кирешелерди башкаруу бөлүмүнүн башчысы,

2004-2005-жылдары Бажы кызматынын департаменти, кирешелер боюнча комитетинин башчысынын орун басары,

2005-2006-жылдары Мамлекеттик бажы кызматы, инспекциянын башчысынын орун басары,

2006-2007-жылдары Мамлекеттик бажы кызматынын башчысынын кеңешчиси,

2007-жылы Мамлекеттик бажы комитетинин төрагасынын биринчи орун басары,

2010-2013-жылдары Мамлекеттик бажы кызматынын башчысы,

2013-жылы президенттин кеңешчиси,

2013-2014-жылдары Чүй облусундагы ыйгарым укуктуу өкүлү,

2014-2016-жылдары Бишкек шаарынын мэри,

2016-2017-жылдары Кыргыз-Орусия өнүктүрүү фондунун төрагасы,

2017-жылы сентябрь айында Улуттук банктын төрагалыгына дайындалган.