“Тамак-аш азыктарын өндүрүү гигиенасы жөнүндө” техникалык регламент” мыйзамына кол коюлду

Президент Алмазбек Атамбаев “Тамак-аш азыктарын өндүрүү гигиенасы жөнүндө” техникалык регламент” мыйзамына бүгүн, 3-июнда кол койду. Президенттик аппараттын маалыматтык саясат бөлүмү билдиргендей, мыйзамды Жогорку Кеңеш 18-апрелде кабыл алган. Ага ылайык, азык-түлүк чийки заттарын жана тамак-аш азыктарын өнөр жайлык өндүрүүдө пайда болуучу коркунучтуу жана зыяндуу факторлордун таасиринен адамдардын, айбанаттардын өмүрүн жана ден соолугун, өсүмдүктөрдү, курчап турган айлана-чөйрөнү коргоо максатында иштелип чыккан жана техникалык жөнгө салуу объекттерине колдонуу жана аткаруу үчүн млдеттүү талаптарды белгилейт. Мыйзам расмий жарыяланган күндөн тартып 12 ай өткөндөн кийин күчүнө кирет.