“Мамлекеттик сатып алуулар жөнүндө” мыйзамга толуктоолор киргизилди

Президент Алмазбек Атамбаев “Мамлекеттик сатып алуулар жөнүндө” КРнын мыйзамына толуктоолорду киргизүү жөнүндө” мыйзамга 3-июнда кол койду. Бул тууралуу Президенттик аппараттын маалыматтык саясат бөлүмү билдирди. Мыйзамды Жогорку Кеңеш 18-апрелде кабыл алган. Ал өмүр бою кабыл алынуучу дары каражаттарын мамлекеттик сатып алуу учурунда тендердик табыштамаларды баалоонун критерийлерин тактоо максатын көздөйт. Мыйзам расмий жарыяланган күндөн баштап күчүнө кирет.