Орусиялык журналист Екатерина Гордон: "Эгер бийлик жогорку кызмат сунуштаса, президенттикке койгон талапкерлигимден баш тартам"

Орусиялык белгилүү алып баруучу, журналист Екатерина Гордон ушул жылдын октябрь айында келе жаткан президенттик шайлоого катышарын жарыялаган. Ал эми кечээ, 13-декабрда эгер бийлик жогорку кызмат сунуштаса, өз талапкерлигинен баш тартууга даяр экенин билдирди.

"Эгер бийлик министрдин же акыйкатчынын ордун сунуштаса, президенттикке койгон талапкерлигимден баш тартмакмын. Ошондой эле Жогорку Сот жана юстиция министринин кызматына киришүүгө да макулдук бермекмин", - деген ал.

Ошондой эле талапкерлигин көрсөтө турган партия менен келишим түзүлгөнүн айткан.

"Менин талапкерлигимди көрсөтө турган партия жаңы түзүлгөн эмес. Көптөн бери саясатта жүргөн партия. Азырынча аталышын атабай турайын", - деген ал.

Белгилей кетсек, Орусиядагы президенттик шайлоо 2018-жылдын март айына белгиленген.