Супер-Инфо
super.kg видео
ЭЛДИК КАБАР: "Ооруканаларда бахила саткан аппараттар же товарды бербейт, же акчаны кайтарбайт" дейт окурман
"Ооруканаларда бахила кийип кирүү керек деген талапты туура эле кабыл алам. Бирок бейтаптарды кире бериштен эле "тоноп" баштаган ооруканаларга каршымын". Мындай оюн окурман "Элдик кабарга" билдирди.
"Бахиланы алуу үчүн атайын аппараттарды коюп кайсы бир кишилердин бизнесине айландырып алышты. Дарыканага бахила алам деп чуркап отурбай, мындай аппараттын болушу деле ыңгайлуу, бирок ошол аппараттар талаптагыдай иштеп жатабы, көзөмөлдөгөн киши жок. Бүгүн эртеӊ менен Эне жана баланы коргоо борборунун 1-кабатында жайгашкан бул аппаратка 1 сомдуктан 5 сом салып бахила ала албадым. Акчам да кайтарылган жок. Аппаратта акчаны кагаз түрүндө да тыйындын бардык номиналдарында да кабыл алабыз деп жазылып турат. Бул биринчи эле жолу эмес. Ал жерде көрсөтүлгөн телефон боюнча байланышсам, "эмне кылайын эми, мен Бишкекте эмесмин" деп телефонду коюп койду. Мен сыяктуулар аз эмес. Аппаратты орнотууда министрлик менен келишим түзүп анан алардын уруксаты менен иш алып барып жатышса керек да. Ошого жараша көзөмөл да болушу керек эмеспи? Бул алдамчылыкты жоюу үчүн кимге кайрылабыз?" - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
5
1 |