Сузак районундагы митингде 57 адамга медициналык жардам көрсөтүлгөн

3-июнда Жалал-Абад облусунун Сузак районундагы митинг учурунда  57 адамга медициналык жардам көрсөтүлгөнүн Саламаттыкты сактоо министрлигинин басма сөз кызматы билдирди. Маалыматка ылайык, жардамга кайрылгандардын көпчүлүгүнүн баштары ооруп жана кан басымы жогорулап кеткен. “Медициналык жардамды 1 фельдшер, 2 врач, 6 медайым көрсөтүүдө. Бүгүн, 4-июнда Ош-Бишкек жолунда медициналык жардамга муктаж адамдар азырынча жок”,- деп жазылат билдирүүдө.