Бишкекте мас абалында жолдун четинде турган унааларды сүзүп, качып кеткен айдоочу изделүүдө

Бишкекте мас абалында жолдун четинде турган унааларды сүзүп, унаасын таштап качып кеткен айдоочу изделүүдө. Бул тууралуу бүгүн, 14-декабрда Бишкек ШИИББинин басма сөз кызматынан билдиришти.

"Кечээ, 13-декабрда саат 23:20лар чамасында Жукеев-Пудовкин көчөсү менен түштүктөн түндүктү карай бара жаткан Ford үлгүсүндөгү унаа жолдун четинде токтоп турган Mercedes-Benz үлгүсүндөгү унааны сүзгөн, ал алдында турган Honda Odyssey үлгүсүндөгү унааны сүзүп алган.

Күбөлөрдүн айтымында, анын ичинде мас абалындагы кыздар жана бир эркек адам бар экен. Алар унааны кимиси айдап келгенин көрүшбөптүр. Жол кыймылынын коопсуздугун камсыздоо башкы башкармалыгынын кызматкерлери келгенче жол кырсыгына себепкер болгон унаадагылар унаасын таштап кетип калышыптыр. Учурда аларды издөө иштери жүрүп жатат, 3 унаа тең айып аянтчасына коюлду", - деп билдиришти басма сөз кызматынан.

Айта кетсек, ага чейин окурман окуя болгон жерден тартылган видеону жүктөгөн.