Эмгек жана социалдык өнүктүрүү министрлиги: "Кыргыз өлкөсүндө жашаган балдардын 13 пайызы тоё тамак жебейт деген маалымат чындыкка дал келбейт"

Кыргыз өлкөсүндө жашаган балдардын 13 пайызы тоё тамак жебейт деген маалымат чындыкка дал келбейт. Бул тууралуу бүгүн, 14-декабрда Кыргыз Республикасынын Эмгек жана социалдык өнүктүрүү министрлигинин басма сөз кызматы билдирди.

Буга чейин "Регнум" агенттиги ЮНИСЕФ жана ЮНФТАнын колдоосу өткөрүлгөн мультииндикатордук кластердик изилдөөлөрдүн жыйынтыгын жарыялаган. Анда Кыргыз өлкөсүндө жашаган балдардын 13 пайызы тоё тамак жебей турганы айтылган.

Бул тууралуу Эмгек жана социалдык өнүктүрүү министрлиги "2016-жылы БУУнун Соода сатык жана айыл чарба уюму жүргүзгөн изилдөөлөрдүн натыйжасында Кыргыз өлкөсүндө тоё тамак жебеген 5 жашка чейинки балдардын саны 2,8 пайызды түзгөн. Демек, калктын жашоо-турмушу жакшырып, жылдан жылга тоё тамак жебеген балдардын саны азайып жатат" деп билдиришти.

Мындан сырткары аталган министрлик 2016-жылы жаш балдардын өлүмүнүн саны 2015-жылга салыштырмалуу 7,8 пайызга азайганын белгилеп, азыркы күнү тамак берүү боюнча атайын программа ишке кирип жатканын билдиришти.