Индияда роботтор тейлеген тамактануучу жай ачылды

Индиянын Ченнаи шаарындагы тамактануучу жайлардын биринде робот тейлөөчүлөр эмгектенишет. Алардын баары бири-бирине окшош. Болгону моюндарына тагылган жоолуктардын түстөрү менен гана айырмалоого болот. Мурда бул жер кадимки ашканалардан айырмаланчу эмес. Бирок тамактануучу жайдын ээлери кардарларды көбөйтүүнү көздөп, ушундай ыкманы тандап алган. Учурда чынында эле кардарлардын саны мурункуга караганда бир топко өскөн. Алардын баары роботтордун тейлөөсүнө ыраазы.

"Биз тамактарды мынчалык бат алып келишет деп ойлогон эмеспиз. Абдан ыраазыбыз. Албетте, жаңы нерселер баарына жагат", - дешкен кардарлар.