Өлкөдө бир жума ичинде жол эрежесин бузуу боюнча 16 миңден ашык протокол түзүлүп, 655 унаа айып жайга киргизилген

Өлкө аймагында бир апта ичинде жол эрежесин бузган айдоочуларга 16 миң 570 административдик протокол толтурулду. Бул тууралуу бүгүн, 18-декабрда Жол кыймылынын коопсуздугун камсыздоо башкы башкармалыгынан билдиришти.

Өткөн жума ичинде өлкөдө жол эрежелерин бузуу боюнча 16 570 административдик протокол түзүлгөн.

- Мас абалында унаа башкаруу - 253;

- Документсиз унаа башкаруу - 281;

- Мамлекеттик номери жок унаа башкаруу - 30;

- Унааны жогорку ылдамдыкта айдоо - 482;

- Коопсуздук курун тагынбоо - 4 147;

- Унаанын айнегин караңгылатуу - 50;

- Жол белгилериндеги талаптарды бузуу - 3 212;

- Унаа башкарып бара жатып уюлдук телефон менен сүйлөшүү - 3 098.

Ар түрдүү жол эрежесин бузуу боюнча 5 017 административдик протокол түзүлгөн. Ал эми жалпысынан 655 унаа атайын айып жайга коюлган.