Бишкекте 14 жаштагы окуучу Гелендваген менен эки унааны сүздү

Бишкектин Чүй жана Гоголь көчөлөрүнүн кесилишинде 14 жаштагы окуучу жол кырсыгына кабылып эки унааны сүзүп, электр мамысына чабылган. Бул тууралуу Жол коопсуздугун камсыздоо башкы башкармалыгынын басма сөз кызматы билдирди.

Маалым болгондой, кырсык бүгүн, 19-декабрда саат 13:00 чамасында катталган. Жабырлануучулар жок.

"Унаа мамлекеттик номурдагы Мерседес Гелендваген үлгүсүндө болгон. Чүй көчөсү менен батышты карай багыт алып баратып Хонда маркасындагы унааны сүзүп, дагы бир унааны чийип барып электр мамысын сүзүп токтогон. Кырсык болгон жерге Жол коопсуздугун камсыздоо башкы башкармалыгынын кызматкерлери барып, унааны убактылуу токтотуучу жайга жеткиришкен. Учурда териштирүү иштери жүрүүдө", - дейт басма сөз кызматчы.