Бишкекти жашылдандыруу боюнча жарыяланган эки айлыкка 50 миңдей жаран катышып, 193 атайын техника иштеди

Борбор шаарды жашылдандыруу боюнча жарыяланган эки айлыктын алкагында май айында 13 жалпы ишембилик өткөрүлүп, 17 миң метр куб таштанды чыгарылды. Бул тууралуу Бишкек шаардык мэриясынын басма сөз кызматы билдирди. Борборду жашылдандыруу боюнча жарыяланган эки айлыкка жалпысынан 50 миңдей жаран катышып, 193 атайын техника иштеди. Эске салсак, жарыяланган эки айлыктагы иштер “Бишкек шаарынын аймагындагы санитардык абалды жакшыртуу боюнча чаралар жөнүндө” мэриянын токтомуна ылайык жүргүзүлдү.