Балатынын айынан тымызын тиреш: Кыргыз жергесиндеги эң бийик балаты Бишкектеби же Оштобу?

Бишкек шаарынын башкы балатысы жана өлкөнүн экинчи борбору аталган Ош шаарындагы башкы балаты. Эки шаардын балатыларын салыштыруу 2012-жылы башталган. Бул жылы Бишкектин да, Оштун да башкы балатыларынын бийиктиги 23 метрди түзгөн. Бирок көп өтпөй эле Ош шаарынын ошол кездеги мэри Мелис Мырзакматовдун буйругу менен балатынын бийиктиги 2,5 метрге узартылып, 25,5 метрди түзгөн. Ошол жылдан тарта Оштун башкы балатысы менен борбордук балатынын айынан тымызын тиреш орун алгандай сезилет. Ошентсе да бийиктиги жагынан Ош шаарынын балатылары биринчиликти бербей келет.

2012-жылы Бишкек шаарындагы башкы балатынын бийиктиги 23 метрди түзгөн. Ош шаарыныкы да алгач дал ушундай узундукту түзөрү айтылган. Бирок Ош шаарынын мэри Мелис Мырзакматовдун буйругу менен 2,5 метрге узартылып, 25,5 метрди түзгөн.

2013-жылдагы Бишкектин башкы балатысынын узундугу 20 метр, ал эми Ош шаарындагы балатынын бийиктиги 28 метрди түзгөн.

2014-жылы борбордогу башкы балатынын бийиктиги 22 метрди түзсө, Оштун башкы балатысынын узундугу 26 метр болгон.

2015-жылы Бишкектеги балатынын бийиктиги 25 метр болсо, Ош шаарынын башкы балатысынын узундугу 29 метрди түзгөн.

Ал эми 2016-жылдагы борбордук балатынын бийиктиги 22 метрди түзсө, Оштун башкы балатысынын бийиктиги 30 метрге жеткен.

Быйыл, 2017-жылдагы Бишкек шаарынын башкы балатысынын бийиктиги 25 метрге жетсе, Ош шаарыныкы кайрадан эле 30 метрди түзгөн.