Жанар Акаев Сапар Исаков элден кечирим сурашы керектигин айтты

Бүгүн, 21-декабрда Жогорку Кеңештин жыйынында балдарга мамлекеттик жөлөк пул, сүйүнчү пул боюнча мыйзам долбоору каралып жатат.

Анда депутаттар сүйүнчү пул жөнүндө мыйзамындагы кемчиликтерди жоюуга үч ай убакыт берүү демилгесин талкуусу жок добуш берүүгө жиберишти. Бул чечим эл өкүлдөрүнүн эки жээкке бөлүнүп кайым айтышына себеп болду.

Депутат Жанар Акаев өкмөттүн чабалдыгынан депутаттар жек көрүнүп жатканын айтты. "Кечинде жаңылыктарды көрсөңүздөр Жогорку Кеңеш жөлөк пулду берүүнү үч айга кечиктирди деп көрсөтүшөт. Үч ай мурун биз колдоп бергенбиз. Бирок өкмөт маалыматтык кампанияда бизди күнөөлөйт. Премьер-министр Сапар Исаков кандай жоопкерчиликти алды? Министрди кызматтан алдыбы? Элдин алдына барганда биз эртең эмне дейбиз? Ошондуктан Сапар Исаков өзүнүн жоопкерчилигин сезип элдин алдында кечирим сурасын", - деди Жанар Акаев.