Толкунбек Абдыгулов вице-премьерлик кызматтан бошотулду

Вице-премьер-министр Толкунбек Абдыгулов башка ишке өткөндүгүнө байланыштуу ээлеген кызматынан бошотулду. Тийиштүү жарлыкка өлкө башчы Сооронбай Жээнбеков бүгүн, 21-декабрда кол койгонун президенттик аппараттан кабарлашты.

Жогорку Кеңеш 21-декабрда Улуттук банктын төрагалыгына Абдыгуловдун талапкерлигин жактырган.

Ал 2014-2017-жылдары Улуттук банктын төрагасы кызматын аркалап келсе, 2017-жылдын августунан ноябрга чейин биринчи вице-премьер-министр, андан кийин вице-премьер-министр болуп иштеп келди.

1997-2003-жылдары экономист, улук экономист, Улуттук банктын Инвестиция жана техникалык жактан координациялоо дирекциясынын жетектөөчү экономисти;

2005-жылы Улуттук банктын каржы бөлүмүнүн жетектөөчү экономисти;

2005-2006-жылдары аталган банктын долбоорлорду ишке ашыруу бөлүмүнүн башкы экономисти;

2006-2007-жылдары "Маалыматтык келечек" коомдук комитетинин директору;

2007-2008-жылдары Чыгыш Европа жана Дүйнөлүк банктын Борбордук Азиядагы департаментинин кеңешчиси;

2008-жылы Борбордук Азиядагы Америка университетинде экономика кафедрасынын улук окутуучусу;

2008-2009-жылдары президенттик администрациянын экономика жана социалдык-саясий экономика бөлүмүнүн эксперти;

2009-2010-жылдары Өнүгүү, инвестиция жана инновация боюнча Борбордук агенттиктин стратегия жана программа кызматынын жетекчиси;

2010-жылы Экономиканы жөнгө салуу министрлигинде статс-катчынын убактылуу милдетин аткаруучусу;

2010-2014-жылдары өкмөттүн аппаратында экономика жана стратегиялык өнүгүү бөлүмүнүн башчысы;

2014-2017-жылдары Улуттук банктын төрагасы;

2017-жылдын августунан ноябрга чейин биринчи вице-премьер-министр;