Санкт-Петербургда жардыруу болуп 10 адам жаракат алды

Орусиянын Санкт-Петербург шаарында жардыруу болуп 10 адам жаракат алды. Бул тууралуу жергиликтүү маалымат каражаттары жазып чыгышты.

Маалыматта жазылгандай, Санкт-Петербургда жайгашкан дүкөндөрүн биринде белгисиз зат жарылган. Жардыруунун кесепетинен 10 адам жаракат алып, анын ичинен 4 адам ооруканага жеткирилген.

Орусиянын ӨКМ тараткан маалыматтарга караганда белгисиз зат саат 18:55те (Москва сааты боюнча) жарылган. Окуя болгон жерге келген куткаруучулар дүкөндүн ичинен 70 адамды эвакуациялаган.

Азыркы тапта кылмыш иши козголуп, иликтөө иштери жүрүп жаткандыгын Орусиянын ички иштер министрлиги билдирди.