Казакстанда өткөн кинологдор мелдешинде КРнын Чек ара жана Бажы кызматтары 2-орунду ээледи

31-майдан 4-июнга чейин Казакстандын Алматы шаарында кинологдордун мелдеши өттү. Анда Кыргызстан, Казакстан, Тажикстан, Түркмөнстан менен Орусиянын мамлекеттик чек ара жана бажы кызматынын кинологдору өздөрүнүн мыкты делген иттери менен биринчиликке ат салышты. Аталган иш-чара “Борбордук Азияда чек араларды башкаруу” программасынын 10 жылдык мааракесинин урматына уюштурулду. Жарышта Мамлекеттик Чек ара кызматына караштуу Ош аэропортундагы чек ара көзөмөл пунктунун кызматкери Мурат Дооронов өзүнүн ити менен 1-орунду ээледи. Ал эми жалпы эсепте КРнын Чек ара жана Бажы кызматтары 2-орунду ээледи.