Бир сутка ичинде тайгаланып жыгылып травматология борборуна кайрылгандардын саны 21ге жетти

Бир сутка ичинде муздан тайгаланып жыгылып, травматология борборуна кайрылгандардын саны 21ге жетти. Бул тууралуу Саламаттыкты сактоо министрлигинин басма сөз кызматы билдирди.

Маалыматка ылайык, кечээ, 27-декабрда жааган кардын кесепетинен жолдор көк музга айланып, айдоочулар жана жөө жүргүнчүлөргө ыңгайсыздык жараткан. Бир күн ичинде Манас жана Токтогул көчөлөрүндө жайгашкан травматологиялык борборго жалпы 50 адам кайрылган. Алардын 21и көчөдөн тайгаланып жыгылгандыгын билдиришкен.

"Тайгаланып жыгылгандардын көпчүлүгү ар түрдүү жеңил жаракаттарды алышкан. Азыркы тапта элдер тайгак жолдорго көнө элек. Жыл сайын кар жаагандан кийинки күндөрү мындай учурлар көп катталат, бирок кийинчерээк алардын саны азаят", - деп билдирет басма сөз кызматы.

Азыркы тапта бардык травматологиялык пункттар күнү-түнү иштеп, дарыгерлер жабыр тарткандарга жардам көрсөтүүгө даяр.