Нью-Йоркто 12 адамдын өмүрүн алган өрт кырсыгынын келип чыгышына үч жаштагы бала себеп болгон

28-декабрь күнү Нью-Йорктун Бронкс аймагындагы көп кабаттуу үйдөн чыккан өрттүн келип чыгуу себеби аныкталды. Өрт үч жашар бала электр плитасы менен ойноп жатканда чыгып кеткенин тергөөчүлөр жергиликтүү маалымат каражаттарына билдиришти.

Акыркы 25 жыл ичинде Нью-Йоркто көп адамдын өмүрүн алган өрт кырсыгы катары катталган өрттүн келип чыгышына үч жаштагы бала себеп болгон. Тергөөчү, комиссар Даниэль Нигронун айтымында бир аз убакытка кароосуз калган үч жаштагы бала капысынан өрт чыгарып ийген.

Баланын энеси батирден сыртка чуркап чыгып кетип ал батирдин эшигин ачык калтырган. Ошол учурда имарат өрттөнүп баштаган. Өрттөн 12 адам каза болуп бир жаштан жети жашка чейинки 4 кичинекей бала каза болгон.

Нью-Йорктун мэри Билла де Блазио "мындай коркунучтуу өрт Нью-Йоркто акыркы чейрек кылымдан бери болгон эмес, өрттөнүп жаткан үйдөн 12 адам каза тапты", - деп билдирген өз сөзүндө.

Жабырлануучулардын айтымында, өрт беш кабаттуу үйдүн биринчи кабатынан башталып өйдөкү кабаттарына чейин курчап калганын. Өрт өчүрүү кызматкерлери 3 минутада барышып, өрттү өчүрүүгө бешинчи даражадагы 170 кызматкер тартылган.

Өрттөн жабыркаган жашоочуларды убактылуу райондун мектебине көчүрүшкөн. Үйгө муктаждарга эл аралык Кызыл Крест коому тарабынын жардам көрсөтүлүүдө.

Белгилей кетсек, кырсыктан каза болгон жана жаракат алгандардын арасында Кыргыз жарандары жок экенин Кыргыз Республикасынын Тышкы иштер министрлигинин маалымат кызматынан 29-декабрда кабарлашкан.