Өзбекстанда жаран 10 жаштагы кызын зордуктап жүргөн деп шектелүүдө

Өзбекстандын жараны өзүнүн 10 жаштагы кызын зордуктап жүргөн деп шектелүүдө. Бул тууралуу Өзбекстандын басылмалары жазып чыкты.

Маалыматка ылайык, Андижан облусунун Избаскан районунун 35 жаштагы жашоочусу өз кызына сексуалдык ыплас аракеттерди 2016-жылдын декабрь айынан бери жасап жүргөн. Акыркы жолу 2017-жылдын июль айында көгүчкөн баккан жерде атасынын кызын зордуктоо аракетин жасап жатканын кыздын таежеси көрүп секелектин апасына билдирген.

“6 айдан бери кыздын апасы күйөөсүн өз кызын зордуктап жүрөт деп шек санап келген. Качан өз көзү менен көргөндө гана милицияга кайрылган”, - деп айтылат маалыматта.

Избаскан районунун укук коргоо органдары билдиргендей, аталган факт боюнча райондук прокуратура кылмыш ишин козгогон. Эгер экспертизанын жыйынтыгы шектүүнүн зордуктап жүргөндүгүн далилдесе 15 жылдан 20 жылга чейин эркинен ажыратылышы мүмкүн. Учурда 10 жаштагы кыздын абалы кандай экендиги тууралуу маалыматтар жазылган эмес. Анын үй-бүлөсү журналисттерге комментарий берүүдөн баш тарткан.