Ош. "Алтын күз" майрамына карата уюштурулган ат оюндарынын жеңүүчүлөрү аныкталды

17-ноябрда "Алтын күз" майрамына жана Айыл чарба кызматкерлеринин күнүнө карата КРнын Өкмөтүнүн Ош облусундагы ыйгарым укуктуу өкүлчүлүгү тарабынан Ош облустук ат майданында көк бөрү, кунан чабыш, эр эңиш сыяктуу улуттук ат оюндары жыйынтыкталды. Оюнга Кара-Суу, Өзгөн, Чоң-Алай, Кара-Кулжа, Ноокат, Араван, Алай райондорунун жигиттери катышып, көк бөрү жана эр эңиш боюнча Өзгөн районунун балбандары, ал эми кунан чабышта Кара-Кулжа районунун күлүгү жеңишке жетип, акчалай сыйлыктарга ээ болушту.