Тосулган Ош-Бишкек жолунда 3 күн бою 641, 9 тонна мөмө-жемиш кармалып турган

Жалал-Абаддагы митингчилердин аракети менен тосулган Ош-Бишкек жолунда 641, 9 тонна мөмө-жемиш 3 күн бою кармалып турду. Бул тууралуу Сузак районунун акими Нурболот Мирзахмадов айтканын аймактык кабарчыбыз билдирди. Белгилей кетсек, жүздөгөн оор жүк ташуучу унаалар 3 күн бою тосулган жолдон өтө албай токтоп турушкан. Андагы чыгымдарды эсептөө үчүн Жалал-Абад шаарындагы мамлекеттик мекеме, ишканалардын өкүлдөрүнөн атайын комиссия түзүлүп иш жүргүздү. Учурда келтирилген чыгым такталып жатат.