Кыргыз курама командасы футзал боюнча Азия чемпиондугуна даярдык көрө баштады

Футзал боюнча Кыргыз курама командасы Тайбэйде өтө турган Азия чемпиондугуна даярдык көрө баштады. Бул тууралуу SUPER.KG порталына Кыргыз Республикасынын футбол федерациясынан билдирди.

Маалыматка караганда, Кыргыз курама командасы 7-январга чейин Бишкек шаарындагы "Алай" спорткомплексинде жана Кыргыз улуттук ден соолукту чыңдоо жана спорт академиясынын имаратында окуу-машыгуу жыйындарын өткөрүп, 8-январдан баштап 13-январга чейин Чолпон-Ата шаарындагы ден соолукту чыңдоо жана спорт комплексинде машыгууну улантат.

Эске салсак, Футзал боюнча Азия чемпиондугунун финалдык этабы 2018-жылы 1-11-февраль аралыгында кытайлык Тайбэйде өтөт. Анда, Кыргыз курама командасы "D" тайпасына жайгашып, Таиланд, Ливан жана Иордания курама командалары менен беттешет.

Кыргыз курама командасынын тизмеси:

Дарбазачылар: Кирилл Ермолов, Виталий Зубарев, Актилек Эсеналиев.

Коргоочулар: Манас Абдрасул уулу, Улан Байгазы уулу, Адилет Иманбеков, Дастан Рысбеков, Келкел Анарбеков, Акылбек Анарбек уулу, Актай Таштанов , Мирлан Жолдубаев.

Чабуулчулар: Эмил Канетов, Улан Батырбек уулу, Юлдашбай Салимбаев, Келечек Касымов, Арстанбек Турсунов, Эркин Максатов, Маматзия Жолдошев.