Францияда жугуштуу сасык тумоодон 2 ай ичинде 31 адам көз жумду

Францияда акыркы эки ай ичинде сасык тумоодон 31 адам каза болду. Бул тууралуу чет элдик маалымат булактары жазууда.

Маалым болгондой, Францияда 25-декабрдан 31-декабрга чейин сасык тумоого чалдыгып, ооругандардын саны 80 пайызга көбөйгөнүн Саламаттыкты сактоо министрлиги билдирген. Декабрь айынын акыркы жумасында 11 миң 500 адам ооруга чалдыгып, дарыгерлерге кайрылган. Ал эми 1-ноябрдагы бюллетень боюнча белгилүү болгондой, сасык тумоонун өтүшүп кеткендигинен каза болгондор 15 жаштан 64 жашка чейинки курактагы адамдар. 65 жаштан жогорку курактагылар сасык тумоонун чектелген түрүнө гана чалдыкканы байкалган.