Иранда бийликти колдогондордун митинги эки күндөн бери уланууда

Иранда өкмөттү колдогондордун тынчтык митинги эки күндөн бери уланууда. Бул тууралуу чет элдик маалымат каражаттары жазышууда.

Маалыматка ылайык, тынчтык митингине бир нече миңдеген адамдар чыгышкан. Мындай митинг Ирандын бардык аймактарында болуп жатат.

Нааразычылык акциясы жума намазынан кийин башталып, топтолгон адамдар өкмөттү колдой турганын билдирип, жакында болгон окуяларды талкуулап жатышат. Чогулгандар "АКШга кызмат кылгандарга уят!", "Коррупционерлер жазаланышы керек" деген ураан менен турушат.

Белгилей кетсек, 28-декабрда Ирандын ири шаарларында өкмөткө каршы массалык баш аламандыктар башталган. Анда 20га жакын адам каза болуп, 450 адам камакка алынган. Президент Хасан Роухани бул митингдерди өлкөнүн ички саясатына башка өлкөлөр киришип жатат деп атаган.