Сооронбай Жээнбеков өлкө жарандарын Рождество майрамы менен куттуктады

Президент Сооронбай Жээнбеков бүгүн, 7-январда өлкө жарандарын Рождество майрамы менен куттуктады. Өлкө башчысы куттуктоодо бул майрамдын тарыхына, руханий артыкчылыктарына токтолгон.

"Сиздерди Рождество майрамы менен куттуктайм! Эки миң жылдан ашуун мезгилден бери бул майрам адамдарга аруулук тартуулап, жаркын сезимдерге бөлөп, мээримдүүлүктүн жана сүйүүнүн, ырайымдуулуктун жана кечиримдүүлүктүн баалуулуктарына сугарып, жүрөктөргө үмүт шооласын чачып келет. Ал баарыбызды асыл ойлорго жана кайрымдуу иштерге, адамды сүйүүгө жана урматтоого чакырат.

Рождество майрамы элибиздин биримдигин чыӊдап, өлкөдөгү ар кандай конфессиялар ортосундагы ынтымакты, сабырдуулукту сактоого зор салым кошот.

Кымбаттуу мекендештерим! Бардыгыңыздарга бекем ден соолук, бакубатчылык жана зор бакыт каалайм.

Жаңы 2018-жыл Кыргыз элине ынтымакты жана гүлдөп-өнүгүүнү алып келсин!" - деп айтылат куттуктоодо.