СУПЕРСТАН: "Турмуш-шартың ыңгайлуу болуп турса, айылда жашоонун өзү керемет"

SUPER.KG порталынын "Суперстан" бөлүмүндө "Айылда жашаган жакшыбы же шаардабы?" деген тема талкууга алынган. Анда автор: "Мен айылда жашайм, бирок шаарда жашагым келет. Ал эми шаардык тааныштардан сурасам, алар айылдын жашоосун самашат экен. Силер айткылачы, айылда жашагыңар келеби же шаар жашоосун жактырасыңарбы?" - деген суроосун калтырган.

Колдонуучулардын билдирүүлөрүнөн:

"Айылга эмне жетсин. Убагында шаарда жашасам деп көзүм төрт болчу. Учурда шаардан тажап, айылдагы тынч жашоону каалап жатам".

"Шаарда адамдар менен мамиле түзгөндү үйрөнөсүң, спорт залга барасың, окуйсуң, дүйнө таанымың өсөт, бир гана жашаган жериңдин эмес, дүйнө жаңылыктарынан кабардар болосуң. Таза жумушта иштейсиң, үйүңдө бардык шарт бар. Акча табуу жолдору көп, кыскасы айылдан бир топ эле ыңгайлуу".

"Турмуш-шартың ыңгайлуу болуп турса, айылда жашоонун өзү керемет".

"Бара-бара шаар менен айылдын айырмасы деле жок болуп калды".

"Шаарга бизнес ачып, жумушчуларды иштетип коюп өзүң айылда жашасаң. Айланасын тоолор курчаган, абасы таза, суусу тунук, адамдары ыймандуу, кең пейил, ынтымактуу, акыл-насаатын аябаган чоң ата, апалар бар. Деги койчу айыл керемет. Айына бир жолу шаарга келип турсаң жакшы".

"Шаардыктар айылга шашса, айылдыктар шаарга шашат. Кызык эле адамдарбыз".

Талкууга кошулгуңуз келсе, бул жакка кириңиз.