Супер-Инфо
super.kg видео
Оштун мэри эттин баасын аныктоо үчүн уй сатып алып, анын этин базарда сатып көрүүнү сунуштады (толукталды)
8-январда Ош шаарындагы бардык мекеме ишканалардын жана мэриянын кызматкерлеринин жыйынында мэр Айтмамат Кадырбаев базарларда сатылып жаткан уйдун жана койдун этин арзандатуу тапшырмасын берди.
“Этке болгон баа жогорулап жатат. Шаардыктардан келип түшкөн арыз-дооматтар да жок эмес. Ошондуктан тийиштүү кызматтар, бир жуманын ичинде эт баасынын эсебин чыгарып, туруктуу баа коюп бергиле”, - деди Кадырбаев.
Эттин баасын арзандатуу, так эсебин чыгаруу максатында тийиштүү кызматтардан түзүлгөн атайын комиссия түзүлүп, текшерүүгө алынат.
Мэриянын маалымат катчысы Талантбек Канатбек уулу SUPER.KG'ге билдиргендей, Кадырбаев эттин чыныгы баасын аныктоо үчүн шаардык бюджеттин эсебинен уй сатып алып, анын этин базарда сатып көрүүнү сунуштады.
"Шаар башчы эттин баасын аныктоодо кыйынчылыктар болсо, бюджеттен 50 миң сом бөлүп берүүгө даяр экенин айтты. Ал акчага уй сатып алып, этин базарга саттырабыз. Анын жыйынтыгында базарда эт саткандар бир уйду союп сатуудан канча пайда таап жатканы белгилүү болот", - деди Канатбек уулу.
Учурда Ошто бир килограмм уй этинин дүң баасы 290 сом, чекене баасы 330 сом болууда.
кошулду
0
Эт саткан касаптардын 90% озбек туугандар.
Алар эч кандай зыян тартпайт.
Даяр кылып бордоп багып барасын,жалдыраап сатасын. Ошол 290 сомдон дунунон союп алышса кана. Албайт аны да,арзан сурашат.
Бир огуз маселен 200 кг эт берсе,эт саткан касаптар кеминде 10,000 сом пайда корушот.
Ал эми 3 ай кыйналып багып барган дыйкан 10,000 пайда корушу кыйын!