Издөөдө жүргөн адамдын жансыз денеси тоодон табылды

Дайынсыз жоголгон 26 жаштагы адамдын жансыз денеси тоодон табылды. Бул тууралуу Жалал-Абад ОИИБинин басма сөз кызматы билдирди.

Издөөдө жүргөн Курсантбек Сүйүнбаевдин жансыз денеси 5-январда Кара-Күңгөй тоосунан табылган. Маркумдун сөөгүн көргөн жаран дароо милиция кызматкерлерине кабарлаган.

"Таш-Көмүр ШИИБинин кызматкерлери окуя болгон жерге барып, маркум 2017-жылдын 2-ноябрынан бери изделип жаткан Курсантбек Сүйүнбаев экенин аныкташкан. Ал кийген кийимдеринен жана көтөрүп жүргөн уюлдук телефонунан таанылды", - деп билдирди Жалал-Абад ОИИБинин басма сөз кызматы.

Болжолдуу маалыматтар боюнча, маркум мал кайтарып жүрүп, жардан кулап кеткен. Анын жакындары соттук-медициналык экспертизадан өткөрүүдөн баш тартып, эч кандай доо арыздары жок экендигин билдиришкен.

Эскерте кетсек, 1991-жылы туулган Таш-Көмүр шаарынын тургуну Курсантбек Сүйүнбаев 2017-жылдын 20-октябрында саат 16:00 чамасында үйүнөн чыгып кеткен бойдон кайтып келген эмес.