Сапар Исаков Калыкбек Султановду өзүнө кеңешчи кылып дайындады

Калыкбек Султанов премьер-министр Сапар Исаковдун кеңешчиси болуп дайындалды. Бул тууралуу бүгүн, 9-январда өкмөттүн басма сөз кызматынан билдиришти.

Ага ылайык, Сапар Исаков тийиштүү жарлыкка кол койгон.

Калыкбек Султановдун өмүр баяны:

Султанов 1956-жылы 23-сентябрда Нарын облусуна караштуу Кочкор районунда төрөлгөн. Жогорку билимдүү. 1981-жылы Фрунзе политехникалык институтунун инженер-экономист адистигин аяктаган.

• 1981-1982-жылдары Темир-бетон заводунда мастер болуп иштеген;
• 1982-1986-жылдары 145-механизацияланган көчмө колонна "Чүйпромстрой" трестинде мастер, прораб, ага прораб болуп иштеген;
• 1987-1990-жылдары 264-механизацияланган көчмө колоннасында башкы инженер болуп иштеген;
• 1990-1995-жылдары 69-механизацияланган көчмө колоннасынын "Чүйпромстрой" трестинде иштеген;
• 1995-1997-жылдары "Чүйпромстрой" трестинин башчысы болуп иштеген;
• 1998-2011-жылдары "Авангард-Стиль" курулуш компаниясынын башкы директору болуп иштеген;
• 2011-2015-жылдары Транспорт жана коммуникация министри болгон;
• 2016-жылдын май айынан тарта президенттин кеңешчиси болгон;
• 2017-жылдын августунда президенттин кеңешчиси кызматынан бошотулган.

"Кыргыз Республикасынын мамлекеттик кызматынын мамлекеттик кеңешчиси" класстык чинине ээ.