Жогорку Кеңештин бир нече депутаттары Өмүрбек Текебаевди түрмөдөн ооруканага которууну суранышты

Жогорку Кеңештин бир нече депутаттары экс-депутат Өмүрбек Текебаевди ооруканага которууну суранып, ЖАМКга кайрылуу жолдоду. Бул тууралуу бүгүн, 11-январда SUPER.KG порталына "Өнүгүү-Прогресс" фракциясынан депутат Исхак Масалиев билдирди.

Анын айтымында, депутаттар Жазаларды аткаруу мамлекеттик кызматынын төрагасы Таалайбек Жапаровдун атына кайрылуу жөнөтүшкөн. "Кайрылууга бир нече депутаттар кол коюп берген. Ошолордун катарында мен дагы кол коюп бердим. Анда Текебаевдин ден соолугун текшерүүнү сурандык. Мен жакында Текебаев менен жолукканда кан басымы көтөрүлүп жатканы байкалган", - деди Масалиев.

Белгилей кетсек, 16-августта Бишкек шаарынын Биринчи Май райондук соту тарабынан Өмүрбек Текебаев жана мурдагы элчи Дүйшөнкул Чотонов ар бири күчөтүлгөн режимде 8 жылга эркинен ажыратылган. Ал эми 2-октябрда Бишкек шаардык соту 21-ноябрда Жогорку Сот Өмүрбек Текебаев менен мурдагы элчи Дүйшөнкул Чотоновго карата Биринчи Май райондук сотунун өкүмүн күчүндө калтырган. Учурда Текебаев Бишкектеги №47-колониясында жазасын өтөп жатат.