Бишкекте 1,5 айдан бери изделип жаткан 63 жаштагы Имаралы Кушматов дале табыла элек

Бишкекте 1,5 айдан бери изделип жаткан 63 жаштагы Имаралы Кушматов дале табыла элек. Бул тууралуу бүгүн, 12-январда изделип жаткан жарандын туугандары SUPER.KG порталына билдиришти.

Маалыматка караганда, 63 жаштагы Имаралы Кушматов 2017-жылдын 24-ноябрында Кызыл-Аскердеги үйүнөн чыгып кеткен боюнча кайтып келген эмес.

"Имаралы Кушматовдун эс-тутуму начар, жакшы сүйлөй албайт. Айрымдар эл көп топтолгон жерлерде кайыр сурап жүрөт деп жатышат. Бирок биз таппай жатабыз. Көргөн-билгендер бизге кабарлап койсоңуздар", - деп билдиришти жакындары.

Изделип жаткан жарандын белгилери: бою болжол менен 170-175 сантиметр, орто дене түзүлүштө, чачы, көзү кара, кыска сакалы бар.

Көргөн-билгендер болсо, Биринчи Май РИИБинин 0 (312) 56-82-60; 0 (555) 10-24-97; 0 (555) 10-21-99; 0 (707) 65-45-55 номерлерине же "102" кыска номерине кабарлап коюуну суранат.