"Трибунада бири-бирибизди чукушпай, урушкубуз келсе өзүбүзчө барып чечели" дейт депутат Нарынбек Молдобаев

Депутат Нарынбек Молдобаев бүгүн, 6-июнда ЖКнын жыйынында депутаттарды урушпоого чакырды. “Кесиптештер, бири-бирибизди микрофондон, трибунадан чукушпай жүрөлүчү. Элдер депутаттар кырылып эле жүрүшөт деп ойлоп жатышат. Ошончо эле урушкубуз келсе, өзүнчө барып чечели”,- деди ал. Молдобаев депутаттарды “парламент тарап кетели” деген сөздөрдү айтпоого чакырды. “Мындай популисттик сөздөрдү сүйлөбөй, өз ишин аткара албай жаткан депутат арызын жазып кете берсин”,- деп кошумчалады.