Кыргыз спортчулары Казакстанда өтө турган жеңил атлетика боюнча мелдешке катышат

Кыргыз жеңил атлеттер Казакстанда өтө турган эл аралык мелдештерге катышат. Бул тууралуу SUPER.KG порталына жеңил атлетика федерациясынан билдирди.

Маалым болгондой, Кыргыз спортчулары Усть-Каменогорск шаарында өтө турган Казакстандын чемпиондугуна жана олимпиада чемпиону Ольга Рыпакованын байгесине арналган мелдештерге катышат. Казакстандын чемпиондугу 15-17-январь аралыгында өтсө, Ольга Рыпакованын байгесине арналган мелдеш 20-январда орун алат.

Аталган мелдештерге Кыргыз Республикасынан 7 спортчу катышат. Алардын арасында өлкөбүздө белгилүү Али Магомедгажиев, Кирилл Сарасов жана Мусулман Жоламанов бар.

Кыргыз курама командасы:

Анна Буланова - спорт чебери;

Валерий Пономарев - спорт чебери;

Али Магомедгажиев - спорт чебери;

Кирилл Сарасов - спорт чеберине талапкер;

Данияр Арыпбеков - спорт чеберине талапкер;

Мусулман Жоламанов - спорт чеберине талапкер;

Жамалдин Мусаев - спорт чебери;

Башкы машыктыруучу: Сатыбек Чокаев.