UFC уюму мушкер Конор Макрегорду чемпиондук титулунан ажыратышы мүмкүн

UFC уюму мушкер Конор Макрегорду чемпиондук титулунан ажыратышы мүмкүн. Бул тууралуу чет элдик маалымат каражаттары жазып чыгышты.

Маалыматта жазылгандай, UFC уюмунун башчысы Дэйна Уайт ирландиялык мушкер Конор Макгрегордун жеңил салмактагы UFC чемпиону титулунан ажыратышы мүмкүн.

Бул чечимге Макрегордун 2016-жылдын UFC титулун жеңип алгандан тарта ММА беттештерине чыкпай жаткандыгы себеп болгон.

"Эгерде Конор ушул жылдын сентябрь айында рингге чыгып беттеш өткөрбөсө, кур башка мушкерге өтүшү керек. Азыркы тапта Нурмагомедов менен Фергюсонду беттешке чакыруу боюнча иштер жүрүп жатат", - деп билдирген Уайт.

Айта кетсек, эгерде Макрегор чемпиондук курунан кол жууй турган болсо, анда орусиялык Хабиб Нурмагомедов менен Тони Фергюсондун чемпиондук кур үчүн беттеши 2018-жылдын апрель айында орун алат.

.