Депутат Алмамбет Шыкмаматовдун соту 23-январга жылдырылды

Жогорку Кеңештин "Ата Мекен" фракциясынын лидери Алмамбет Шыкмаматовдун соту 23-январга жылдырылды. Бул тууралуу бүгүн, 16-январда SUPER.KG порталына депутат өзү билдирди.

Бүгүн Бишкек шаардык сотунда депутаттын иши каралмак. Шыкмаматовдун айтымында, соттук отурум мамлекеттик айыптоочу келбегендиктен жылдырылды. "Соттук отурум 23-январда саат 10:00дө өтөт", - деди.

Белгилей кетсек, депутат Алмамбет Шыкмаматов Биринчи Май райондук сотунун чыгарган чечимине каршы экенин билдирип, Бишкек шаардык сотко өткөн жылдын 28-декабрында арыз берген. Анын билдиришинче, Башкы прокуратура да ага коюлган айыптын көлөмү аз экендигин билдирип шаардык сотко кайрылган.

19-декабрда Биринчи Май райондук соту тарабынан депутат Алмамбет Шыкмаматовго, Эсептөө палатасынын мурдагы аудитору Жусуп Иманалиевге жана Германиянын Кыргыз мамлекетинде жашаган жараны Али Юкселге өкүм чыгарылган.