Экс-министр Равшан Сабировдун жакындары Ош-Бишкек жолунун боюнда митинг өткөрүүдө

Мурдагы социалдык өнүктүрүү министри, Жогорку Сот тарабынан май айында 5 жылга эркинен ажыратылган Равшан Сабировдун жакындары Ош-Бишкек трассасынын боюнда нааразычылык акциясын өткөрүүдө. Митинг орун алган жер Ош облусунун Кара-Суу районуна караштуу Жаңы-Арык айылы. Алардын өкмөткө койгон талабы - Равшан Сабировдун ишин кайрадан карап чыгуу. Аймактык кабарчыбыз Дастан Үмөтбай уулунун айтымында, чогулгандардын саны 60-70 киши.