АКШда 13 баласын көп убакыттан бери үйүнө байлап койгон ата-эне кармалды

АКШда өзүнүн 13 баласын көп убакыттан бери үйүнө байлап койгон ата-эне кармалды. Бул тууралуу жергиликтүү басма сөз каражаттары жазып чыгышты.

АКШнын Калифорния штатында 2 жаштан 29 жашка чейинки 13 баласын бир бөлмөгө камап, чынжырлар менен байлап койгон ата-эне кармалган. Бул туурасында маалыматты, куткаруу кызматына 14-январда эртең менен жубайлардын 10 жаштагы кызы качып чыгып билдирген.

Берилген дарек боюнча келген полиция кызматкерлери 57 жаштагы Дэвид Аллен Турпин менен 49 жаштагы Луиза Анна Турпинди кармашкан. Үйдүн ичинде караңгы жана жагымсыз жыттанган бөлмөдөн полиция кызматкерлери 12 баланы табышкан. Алардын ичинен жетөө 18 жаштан 29 жашка чейинкилер экени аныкталган.

Көп убакыттан бери тамак ичпей кыймылсыз жаткан балдардын абалы начар болгондуктан, алар биринчи жардам алыш үчүн дароо ооруканага жеткирилген.

Азыркы тапта ата-эне сурак берип, эмне себептен мындай кадамга баргандыгы териштирилип, иликтөө иштери жүрүп жатат.