Америкалык жөө күлүктүн дааратканада жашынып марафондорду жеңип келгени аныкталды

Америкалык спортчу дааратканада жашынып, марафондорду жеңип келгени үчүн айыпталды. Бул тууралуу чет элдик маалымат каражаттары жазып чыгышты.

Маалым болгондой, Аризона штатында өткөн марафондун уюштуруучулары жөө күлүк Келли Эгнюну алдамчылык үчүн марафондон четтетишкен. Анткени ал дааратканага жашынып, аралыктын бир канча чакырымын чуркаган эмес.

"Бул марафондо белгилүү убакытта спортчулар чуркап өткөн аралык эсептелет. Ал эми Эгню болсо маралык чийинден өтүп коюп эле, алыс эмес жерде жайгашкан биодааратканада отура берген, ал бул ыкманы бир нече жолу кайталаган. Ал улам маралык чийинден өткөндүгүнө байланыштуу жыйынтыктарды эсептөө системи аны белгилүү чакырымды чуркап келди деп эсептей берген", - деп жазылат маалыматта.

Жөө күлүктүн бул жоругун байкап калган уюштуруучулар анын буга чейинки жетишкендиктерин да кайра карап чыгышкан. Текшерүүлөрдүн жыйынтыгында ал утуп алган 48 сааттык марафондун акыркы 7 саатын чуркабагандыгы аныкталып, уюштуруучулар Эгнюга кийинки жарыштарга катышууга тыюу салган.