Депутат Момбеков: "Чыныбай Турсунбековдун "Өф түтүнү" өкмөттүн өпкөсүнө тийсе керек"

Бүгүн, 18-январда Жогорку Кеңештин жыйынында КСДП фракциясынан депутат Рыскелди Момбеков СССР убагында Бишкек шаары эң кооз, таза шаарлардын бири болгонун эскертти.

"Азыркы күндө Бишкек шаары эң булганган, көк түтүнгө чулганган шаар экени ачыкка чыкты. Өткөндө Чыныбай Акунович "Өф түтүн" деп ыр чыгарды, бир топ депутаттар көк түтүн деп чыр чыгарды. Чыныбай Акуновичтин "Өф түтүнү" өкмөттүн өпкөсүнө тийсе керек. Бул маселе кечээ өкмөттө каралыптыр. Техникалык кароону киргизебиз деп жатышат. Туура маселе. Айылда таза суу, шаарда таза аба жок болсо "Таза коомдун" кимге кереги бар? Кыргыз мамлекетинде 3 миллиондон ашык унаалар бар. Техникалык кароого жарандар 1 миң сомдон төлөй турган болсо, бюджетке 3 миллиард сом түшөт. Экологиялык, экономикалык жактан пайда алып келет", - деди депутат.