“Бейбаштык” кылмышына айыпталып 29 жаштагы Азамат аттуу жаран кармалды

Чүйдүн Аламүдүн районуна караштуу Озерное айылынын 32 жаштагы Асел С. аттуу тургуну милицияга арыз менен кайрылып, “30-май күнү чала тааныш Азамат аттуу адам үйүбүзгө кирип, эч кандай себепсиз эле жолдошумду сабап салды” деп билдирген. Бул боюнча Аламүдүн РИИБинин кызматкерлери ыкчам-иликтөө жүргүзүп, 5-июнь күнү кылмышка шектүү катары 29 жаштагы Азамат С. аттуу жаранды колго түшүрүштү. Ага карата кылмыш иши козголуп, колго түшкөн адам убактылуу кармоочу жайга киргизилген. Тергөө иштери жүрүп жатат.