Бишкекте мектеп окуучуларынын 39 пайызы компьютердик клубдарда көпкө болуу зыян деп эсептейт

Бишкек шаарындагы мектеп окуучуларынын 39 пайызы компьютердик клубдарда көпкө болуу зыян деп эсептейт. Мындай жыйынтык атайын жүргүзүлгөн сурамжылоодон кийин пайда болгонун Бишкек шаардык кеңешинин жыйынында депутат Валентина Лисниченко айтты. Окуучулардын 20 пайызы бул тууралуу ойлонбогонун айтса, калган 41 пайызы мунун эч кандай зыяны жок деп эсептей тургандыктарын билдиришкен. Эске салсак, шаардык кеңештин жыйынында Компьютердик жана оюн клубдарынын иши жөнүндө маселе каралууда.