"ЭЛДИК КАБАРга" жооп: "Ставрополовка айылындагы №34-орто мектебине өз каалообуз менен акча топтоп жатабыз" дейт ата-энелер

"Жайыл районундагы Ставрополовка айылдык №34-орто мектебинде 10-класстын окуучуларынан кабинетке линолеум алууга деп 1400 сомдон чогултуп жатышат" деген билдирүүнү 18-январда "Элдик кабарга" окурман жиберген. 10-класстын ата-энелер комитетинин төрайымы Людмила Бохан бул маалымат боюнча жооп берди.

"1-сентябрда 10-класстын окуучуларынын ата-энелери жыйынга чогулганбыз. Ал жыйында көбүнчө аталар болчу. Алар кабинеттин абалын көрүп, өз каалоолору менен демөөрчү катары класска линолеум сатып берүү чечимин кабыл алышкан. Чогулушта 13 ата-эненин ичинен он бири катышкан, 2 ата-эне келген эмес. Кийин аларга маалыматты жеткиргенбиз, алар макул болушкан. Чогулуштун жыйынтыгында акчаны дароо эмес, апрелге чейин бөлүп-бөлүп берүүнү чечкенбиз. Биз мажбурлап акча чогулткан жокпуз, бардыгы өзүбүздүн каалообуз менен. Ошондой эле буга мектептин жетекчилигинин дагы тиешеси жок", - дейт Бохан.

Кабинеттеги полдун абалы