Сооронбай Жээнбеков миграциянын агымын токтотуу үчүн сүт сатууну сунуштады

Мамлекет башчы Сооронбай Жээнбеков аймактарды өнүктүрүү боюнча жумушчу топтун жыйынында миграциянын агымын токтотуунун жолун сунуштады. Анын пикиринде, 3-4 саан уй бир үй-бүлөнү багат.

"Ош облусунун губернатору болуп турган учурда миграцияны токтотууга алым жетпей калган. Азыр миграция агымын токтотууга сиздерге мен жардам берем. 3-4 саан уй бир үй-бүлөнү багат. Күнүнө 60 литрден сүт алып, аны 20 сомдон сатса, айдын аягында 36 миң сом чогултуп коюшат. Мына ушундай жолдор менен миграциянын агымын токтотууга болот", - деди Жээнбеков.