Кыргызстанга оң рулдуу унааларды алып келүүгө тыюу салуу сунушталууда

Парламенттеги "Ар-намыс" фракциясынын лидери Феликс Кулов Кыргызстанга оң рулдуу унаа алып келүүгө тыюу салуу керектигин айтып чыкты. Ал алгач оң рулдуу унааларды каттоодо салыкты көтөрүү, кийинчерээк таптакыр андай унааларды өлкөгө алып кирүүнү тыйып салуу туура деп эсептейт. Жол көзөмөл кызматынын жетекчисинин орун басары Темиркан Керимбаев бул сунушка макул экендигин билдирди. Ал айткандай, учурда өлкөдө 890 миң унаа болсо, анын 54 миңи оң рулдуу.