Супер-Инфо
super.kg видео
ЭЛДИК КАБАР: "Ош облустук ооруканасында жылуулук өчүрүлүп, бейтаптар күрмө менен да үшүп жатышат" дейт окурман
Аба ырайы 30 градуска чейин суук болушу мүмкүн деген кабарлар айтылганы менен, Ош облустук ооруканасында жылуулук жок. Мындай кабарды окурман "Элдик кабар" рубрикасына WhatsApp аркылуу кабарлады.
Анын айтымында, оорукананын айрым бөлүмдөрүндө жылуулук кечээ, 25-январда өчүрүлгөн.
"Оорукананын урология жана ревматология бөлүмдөрүндө жалаң суук өткөндөр жатат. Бирок бул бөлүмдөрдүн сууктугунан күрмөлөрүбүздү кийип, ошондо да үшүп отурабыз. Ысык суу да жок. Жылуулуктун өчүрүлгөндүгүнүн себебин оңдоп-түздөө иштерине байланыштуу деп түшүндүрүштү. Эмнеге кышка даярдык көрүлгөн эмес? Биздин дарыланганыбыз натыйжасын бербей калат го", - деп жазган окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
Шаардык аймакка караштуу суу тутугундо жарылуу катталып,жылуулук беруу бир саатка жетпеген убакытка токтотулган. Ондоо иштери буткорулуп,жылуулук толук кандуу берилуудо.
Азыркы учурда болумдордогу жылуулук 25 градустун тегерегинде.
Биздикилер кышка даярдыкты баштады...