Бишкек мэри Албек Ибраимов жылуулуктан жаралган көйгөйлөрдү билдирүү үчүн телефон номерлерди жарыялады

Бишкек шаарынын мэри Албек Ибраимов социалдык тармактагы баракчасы аркылуу үйлөрүндө жылуулук жок, үшүп жаткан тургундарды "Бишкекжылуулуктармагынын" байланыш номерине кайрылууга чакырды.

"26-январда кечки саат 6да Бишкек шаарынын жылуулук электр борборунда утурумдук өндүрүштүк көйгөй келип чыкты. Суунун температурасы 84 градустан 62 градуска чейин төмөндөп, шаардагы айрым үйлөрдүн, кээ бир мекеме-ишканалардын жылуулук менен камсыз болуусун солгундатты. Жылуулук боюнча жаралган көйгөйлөрдү "Бишкекжылуулуктармагы" акционердик коомунун 0312 61-11-69 байланыш номерине кайрылуу менен жеткире аласыздар", - деген ал.

Ошондой эле WhatsApp аркылуу ар бир райондун акимдеринин орун басарларына кайрылууга боло турганын кошумчалаган.
- Карынбаев Аскат Асаналиевич (Ленин району) — 0557 997 927;
- Акматбаев Таалайбек Таберикович (Октябрь району) — 0777 552 211;
- Шарапов Руслан Эсенбекович (Биринчи май району) — 0558 336 640;
- Касымбеков Рустам Асаналиевич (Свердлов району) — 0703 611 806.

Эске салсак, 26-январда Бишкек Жылуулук электр борборунда өзгөчө кырдаал катталып, үйлөргө жылуулук берүү төмөндөгөнү маалым болгон.